Kiwa kyrchaan ya u syiem warim na kylleiñ ka ri Nepal da wan ki cha Kathmandu wow dawa yei synchaar biang da u syiem hadien wa da pyndam ya i synchaar ha u snem 2008 heiwa da ong ki wa i synchaar paidbah da wanrah i du ya ki kaam baam-tooh wei i wym khooid.
Kam wow pynkynmoo wa hadien wa mih i yakhih ha u 2006 da pynbor ya u Gyanendra wow hiar chuki kam u syiem wei wow wanrah noh da i synchaar paidbah namo ka Democracy.
Nadooh itæ i por u Gyanendra da im u kam u bru paidbah khlem iwon iwon i bor wei hanla kattæ leh dang em kiwa kyrchaan ya oo hadooh kini ki sngi.
Ki paidbah wa yakhih da dawa ki wow synchaar biang da u syiem wei wow pynman ya ka Nepal kam ka ri ki Hindu hadien wa pynman ya ka Nepal kam ka ri ka wym yatoh wa kawon kawon ka niam namo ka Secular State ha u 2007 katkam ka riti synchaar ka ri.
Ynnin ki pulit da pynemkaam ki da ki lathi wa ki Tear Gas wow pynsangeh ya ki phaw hajar kiwa kyrchaan ya u syiem warim ka ri.
Kiwa yakhih da rah ki ya ka lama ka ri wei da kbai ki ya ki kyntien wow kyrchaan ya u syiem Gyanendra wei da em leh ki kattu katni kiwa da mynsoo ha ini i yakhih.
Discussion about this post