theme-sticky-logo-alt
theme-logo-alt

Yaklam ka UDP ya ki phang wa yatoh wa ki khynroo khyllood ka jylla

Kam i dak wow pynkhreh neibynta wow pynkhlan ya ka United Democratic Party (UDP) ha ka Election MLA ha u snem 2023, ki khynroo na ki 7 tylli ki Constituency wa haap hapoh ka sor Shillong, ynne ka sngi da khut yalang bah ki wow pynkhlan ya ka seiñ.

Hawa yaklam wa kiwa pathai khubor, hadien ka yalang pynskem ya kiwa kitkaam ka Party, u Manbhalang Syiemlieh uwa man leh u President da ong u wa ka ka seiñ hajrong ki phang wow pynkhlan ya ka Party, da klam kongsan ki leh heiyatoh wa i angnood wow yoh ya ka skurbah ka jylla namo ka State University, i dooh kreh wa kiwi kiwi.

Hajrong i wym chaniah de yei rukom thung kreh, u Manbhalang da ong u wa emkaam wow pynman ya ki Exam deiwa riñdur da ki Video Camera khnang wow lait nei leh arsap.

Heiyatoh won wei pynslem ka sorkar jylla wow pynkrehkaam ya ka State Sports Policy wa ka State Youth Policy, da ong u wa ka da pynsñiaw ki cha ki MLA ka Party wow yaklam pynsmat heiyatoh wa kini ki Policy kiwa kongsan neibynta i myntoi ki khynroo khyllood ka jylla.

Share this:
Previous

Ka sorkar toh u pynyoo paidbah ko ya ka bui takit ya ka chnat bordiñ: UDP

Next

Ym tip u Jemino ileh wym em pynsñiaw ka UDP hapoh ka MDA yei emkaam wow pait biang yei pynbait pood