Yaklam u James wa ki 3 ngut kiwa kreh wow yada ya ka rymaw hapoh ka jylla

U montri ka chnat Forests and Environment ka sorkar jylla, u James K. Sangma ynne ka sngi da yachem u ya ki le ngut ki bru napoh ka jylla kiwa yakhun wow yada ya ka rymaw kiwa kynthup ya u Naba Bhattacharjee, Morningstar Khongthaw wa u Nicholas J Kharnami wow yaklam hajrong kammon wow pynkhlan ya i poor ki khloo, wow yada ya ka rymaw wa kamjooh leh wow yakhun pyrchah ya i kylla i suiñ bneiñ ha ka jylla Meghalaya.

Neiliang u James da ong u wa kwah u wow wanrah ya i embynta lang ki bru paidbah ka jylla heiyatoh wa i yakhun i yada ya ka rymaw neibynta ka mynried kawa phooh wei i wan syndet u khñiang kjut COVID-19 da pynkhyrngiat i ya kiwa boon wow leh yeiwa emkaam katni wot.

Hajrong i pachat yumut u Naba Bhattacharjee, uwa man u sahep wa da chong-ngiah da tyrwa u yeiwa yah ki bru neipor nynde hapoh ka jylla wow pynneh pynsah ya ki khloo wei wow kheiñkor yei ngait ki jaitbru Khasi, Jaiñtia wa Garo heiyatoh wow yada ya ka rymaw.

U Morningstar Khongthaw, uwa man uwa sdang ya ka Living Bridge Foundation da ong u wa emkaam wow pynksan ya i kaam wow yada ya ka rymaw deiwa sdang yeini na ki skur heiwa ki khynnah u tip ki kammon wow leh wei wow yada ya ki soodong sookun pyn napoh Class. Da ban joor u leh yei emkaam wow yada wei wow pynneh ya ki yingkieñ-jri iwa emkaam ya ki sap wa i chemphang khnang wow pynneh pynsah wei wow yada ya ka mynried.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Neiliang won u Nicholas J Kharnami uwa man u RJ wei uwa sdang ya ka Partners of Pla Iew da ong u wa da dooh ki bru ya i sñiaw mantre iwa nynde neidaw wa yah ka pyrthai wow yada ya ka rymaw wei emkaam wow kyruiñ biang cha ki kaam yongrim.

Hajrong ini i yaklam, neiliang u James Sangma da ong u wa ka sorkar jylla da thooh laad ko wow kam yei hok mantre (Bio Patent) ya ki yingkieñ-jri lyngba i stat wa tip kam ka Baubotanik.

Da pynrap u leh wa ka sorkar da tyrwa ko leh wow wanrah ya ka phang wa kylla i suiñ-bneiñ namo ka Climate Change ha ka thup puræ ha ki skur katkam wa da yah i por wow lai chaphrang.

Chooh chooh da ong u wa ka jylla man ko kawa dang khian i rta wei kyrmen skem u wa deiwa pynduna ya i pam khiar ya ki dieñ daw pynmyntoi i ya waroh ki bru liang wanang.