Jowai : Hadien wa chah beh ki khynnah puræ ka Kiang Nangbah Government College na khmat ophis u DC weiwa da yoh ki manbei manpa wa ki paidbah u sakhi yei chah dat chah bom ynne ka sngi ha Iawmusiang dei mynsien wa takha wa chrai nyngkong da pynsangeh chwa ki ya ka kari tympleh diñ ha sarok Iawmusiang kawa thmu u lai biang cha ophis u DC.
Neitæ kini ki manbei manpa wa ki paidbah da tia biang ki cha ka thaw psiah ka ophis u DC weiwa da yieñ bait ki ha khmat gate da kbai ki ya ki kyntien beiñ ya u DC kani ka ya-awri da joor bha ko heiwa da dawa wow wan paan maap u DC. Heijooh i por da em leh kiwa takha ha ini i jia ynne kiwa da chong ha tre kani ka gate.
Ini i awri da neh i chipor heiwa da wan klam yasuk ya ki paidbah da ki bor pynlai distrik. Hadien wa da chongchit bha ini i awri da wan ki nongyalam ka Jaintia Students’ Union wa ka Jaintia Youth Federation kiwa kynthup ya u ma Rikut Parieñ wa u Poipynhun Majaw kiwa da pyrchang u klam pynsniawthooh ya ki paidbah.
Kini ki nongyalam kini ki ar seiñ da yaklam ki ya ki bor sorkar. Ki paidbah ynne ka janmiet da chim ki ka rai wow dawa transfer ki ya u DC, da rai leh wow kyrchan ya ki dawa ki khynnah kani ka thaw puræ kiwi kiwi.
Hadien ini ki paidbah da mih wei da lai paidbah kam ka dak wow pyrchah ya u DC wa ki bor distrik kamjooh leh kam ka dak wow beiñ ya i leh ki pulit ynne ka sngi nadooh na Ophis u DC hadooh ha Police Point, Newhill.
Discussion about this post