Ki khynroo khyllood wa thap yaleh kreh wa khut da ka Border Security Force (BSF), da ood ki wym em man ko kawa lai ryntih neibhah wym em kiwa pait bha yei rukom pynlai wei da pynkyrñiom naphang kynthai wa chynrang ha u jooh u laiñ.
Khnang wow ye u pynlai bait wei wow yada nei jia iwon iwon, neiliang ki pulit wa ki SOT da poi ki cha katai ka thaw thap kreh BSF ha Mawpat.
Ka chnat BSF ynne ka sngi da khut ko yei thap kreh ya ki khynroo khyllood ka East Khasi Hills wa kynthup ya kiwa na Mawsynram, Shella Bholaganj, Mylliem wa Pynursla C&RD Block heiwa da pynman yeini ha Lal Ground BSF Campus, Mawpat.
Katkam wa pyntip kiwa thap kreh, da ong wa i thap kreh man ko kawa yoo kulmar bha heiwa da em kiwa poi cha katai ka thaw nadooh 5-6 waje i step, tangwa hdooh i por sngi ym pu yoh ki wow thap ya ki Form, da khana leh wa da jia ini neidaw wa da booh du kawi donhi ka Counter najrong wa suki palat i rukom krehkaam.
Da khana leh wa da e laad wow psiah cha madan du kamwa 250 ngut chisien psiah heiwa kiwa yang da em ki da ki hajar ngut.
Hadien wa yoo yeini wa tkoh i rukom krehkaam, neiliang ki BSF da pynbna ki wow pynyinsur yei thap kreh hadooh ka 14 tarik uni bnai neibynta ka East Khasi Hills.
Discussion about this post