Yang miet ka JSU wa kiwa chong chnong ka Lapangap hadien wa pynyoo bor ki Karbi

Ka JSU ynnin heipor chiteiñ sngi da pyntip cha ka wa em i pynyoo bor ki Karbi cha ki thaw rep ki bru Pnar, kamtæ da hiar bran bran cha ka chnong Lapangap wei da chem da i khmat wa ki Karbi da pynyoo bor ki cha ki thaw rep ki Pnar hapoh Lapangap, kamtæ ki dkhot ka JSU da chong ki waroh chi miet wow ya emlang wa kiwa chong chnong Lapangap hadooh wa da jai-jai i kynaad hapyrdi ki Karbi wa kiwa chong chnong Lapangap.

Neiliang ka seiñ da dawa ko wow pynyoo bor ki bor District ka West Jaiñtia Hills wei da dawa leh ya ki bor pulit wa na u DC ka West Jaiñtia Hills wei kamjooh ka sorkar toh u booh noh chisien don da ka Boder Outpost hapoh u pood u ang ka chnong Lapangap wa ha ki thaw wa em i kynaad wei ka seiñ da ong ko wa ki pulit toh u e yada ki yei lai i wan wa ki thaw rep ki bru Pnar.

Ka seiñ da ong ko wa lada ki pulit ym ye ki wow e yei yada, ka seiñ deilang wa ki paidbah daw leh ki yeiwa emkaam wow yada ya ka thaaiñ.

Neiliang ki bor District da mynjur ki wow wanrah ya ki pulit cha kini ki thaw nadooh myntu ka sngi wei neiliang ka chnong Lapangap da pdiang ki ya ini i e buit wei dawa ka seiñ.

Related posts

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ym du ha Garo tangwa ka Meghalaya waroh da yoo yei kylla hapoh ka NPP, ong ka MLA wa thymme ka Gambegre

November 23, 2024

Ka seiñ da maham ko leh deiwa khor ya ki kattu katni ngut kiwa pynchit bru na Karbi kiwa da wanrah yei kynaad hapyrdi ki Karbi wa em ha khappood ka Meghalaya.