La 11 ngut kiwa yakhun yei kaam Excise Constable hapoh Jharkhand da dooh ki yei mynsien yong ki heipor wa pynman ya ka Physical Test.
Ya kani ka Physical Test da sdang nadooh ka 22 tarik u Naisaphra ha ki 7 tylli ki Centre ha kylleiñ nadooh na Ranchi, Giridih, Hazaribag, Palamu, East Singhbhum wa Sahebganj District.
U Amol V Homkar uwa man kam u IG Operations, Jharkhand Police da ong u wa da em 7 tylli ki Centre wa da booh ha kylleiñ ka jylla neibynta ka kyrdan kreh Excise Constable heiwa da em 11 ngut wa da yap nadooh wa sdang pynman ya kani ka Test.
Da ong u leh wa da pynbiang lut yeiwa emkaam nadooh ki Medical Team, ki dawai, Ambulance, thaw lai mihlait, um-dih wa kiwi ha waroh kini ki Centre.
Da pyntip wa da pyrchang wow pynman ya kani ka Test dang step yow lait u chah ya ka sngi wa chit.
Kiwa yap toh 4 ngut ha Palamu, mar 2 ngut ha Giridhi wa Hazaribag wa mar uwi ha Ranchi, East Singhbhum wa Sahebganj Centre.
Heiyatoh wa ini, neiliang u State President ka BJP u Babulal Marandi da dawa u wow leh da ka Judicial Investigation wow takit yei daw wa poi chadooh u pood i yap heipor wa yaleh kreh kamjooh wow pynbiang ya ka poisa wa i kreh cha kiwa ha-yung kiwa da yap.
Da ong u leh wa kiwa yakhun kreh da hap yieñ line ki chi slem bha nadooh i synyaaw hadooh ka sngi wa bood hajrong wa eh bha ka sngi.
Waroh da em 1,27,772 ngut kiwa da wan yaleh ya kani ka Physical Test kawa da pynkut ha ka 30 tarik u Naisaphra heiwa da em 78,023 ngut kiwa da chah jied.
Discussion about this post