U President ka National People’s Party (NPP), u Conrad Kongal Sangma da ong wa kiwa boon da klam ki har rukom ya kiwa yahkhmat ka NPP, deiwa beiñ wa chroh wei kynthah katwa ngait khamtam ya u State President ka NPP uwa man leh u Symbood Montri Rangbah, u Prestone Tynsong.
Tangwa u Conrad da kmen won u wow yoh u yoo wa u Prestone ym jooh sñiaw u iyi iyi, tangwa da chim u ya ini waroh deiwa bha.
U Conrad hawa klam ha sngi lehkmen dap 12 snem ka NPP ha ka yalang wa da pynman ha Shillong, da ong u wa hanla klam ki katwon katwon leh ya u Prestone, tangwa i yong sakhiat hi wa u Prestone uwa ma u PWD Minister da chna u ya ka parom wow hiar pateiñ wei ka wow sahkynmoo wa hapoh yong oo da kreh chitom u wow pynpoi ki sarok boon tam hapoh ka jylla wei wow pynlut boon tam ka poisa neibynta wow pynyoh ki sarok.
Kamtæ u Conrad da kylli u wa ileh ki bru mylliñ ki yeini wei da kyntu u ya ki paidbah wow kyrchaan leh ya iyi wa bha wa ka sorkar da leh ko.
Discussion about this post