Ka Israel wa ka USA da sdang siat Bomb ki ya ka Iran nadooh ka 28 tarik u February, heiwa ha kani ka sngi da em leh kawi ka skur kynthai wa chah dat Bomb ha ka sor Minab.
Ya kani ka skur da tip kam ka Shajareh Tayyebeh Girls’ School wa em ha Minab hi heiwa da yap 165 ngut ki khynnah kynthai wei yeini da pyntip leh da ka sorkar ka ri Iran.
Neiliang ka UNESCO leh da pyntikna ko yeiwa jia ha Shajareh Tayyebeh Girls’ School ha ka 28 tarik.
Ka UNESCO da sñiawkhia ko yei em thma ha Middle East khamtam i chah ktah ki thaw puræ, ki skur wa ki khynnah.
Da ong ko wa ini man i pyrchah ya ka United Nations Security Council Resolution 2601 (2021).
Ki dur wa Video wa mih na ka skur da pynyoo ya ki muna ki khynnah ha madan wa i snaam, ki metyap ki khynnah, ka yung skur wa da pra.
Kani ka skur em ko hajan ka IRGC Naval Base heiwa ka Israel da ong ko wa ymtip ko wa da dat Bomb ko ya ka skur wei dang pait yillu ko yeini.
https://twitter.com/Iran_in_India/status/2028412587566928271?s=20
Discussion about this post