Yap 20 ngut wei mynsoo 16 ngut hadien wa iñ ka Bus

20 ngut ki bru da yap ki wei 16 ngut da mynsoo ki hadien wa kawi wa Bus wa chong ki da iñ ko katwa dang lai ko na Jaisalmer cha Jodhpur ka jylla Rajasthan hajan ka War Museum (kamwa 20 kilometre na Jaisalmer) ynnin i step.

Kani ka Bus da iñ ko hadien wei da suba wa thut ka bordiñ (Short Circuit) tangwa i takit dang lai i chaphrang wow pyntikna yeini.

Neiliang ki chipai ka Army kiwa em hajan da yarap nyngkong ki ya kiwa em hapoh chwa wow poi ki kari tymplæh diñ. 

Ya kiwa mynsoo da kit chwa cha Army Hospital chwa wow kyrriah ya ki cha Jawahar Hospital ha Jaisalmer. 16 ngut na kiwa da mynsoo joor da kyrriah won ya ki cha Jodhpur.

Katkam wa ong u District Collector, u Pratap Singh wa waroh ki Emergency Service da wan ki cha ini i thaw wei da booh leh ya ka Control Room wow yarap ya kiwa ha-yung.

Related posts

Khut sñiawbha ka Man Hai Ryum HS School Amlarem ya ki khynnah wa kiwa sikai skur warim cha ka lehkmen Silver Jubilee

October 15, 2025

Kamwa 1000 ngut ki Nurse ka Meghalaya wa thung Adhoc u man noh ki kam kiwa kreh wa pura ka sorkar

October 15, 2025

U Assistant Fire Officer, u Krishnapal Singh Rathore da ong u wa ka Bus da iñ ko plak kat u poi ka kari rymplæh diñ.

Ki heh sorkar kamjooh u Chief Minister, u Bhajanlal Sharma, da lai ki cha Jaisalmer wow pait yei man i long.