Kamwa 27 ngut ki bru da yap ki wei 60 ngut wa mynsoo nei pdung i bar ha Bangkok ynnin i miet, da pyntip u Prime Minister Anutin Charnvirakul.
Neiliang ki Emergency Service da wan ki ha ini i thaw wow tymplæh yei diñ.
Ki Video wa poor ha Social Media da yoo wa mih i tdem wa rben wa i diñ wa kyrooh bha na ini i Bar heiwa da sñiaw leh ya ki bru wa kbai wa kiad ki wei em ki bru wa phet cha lait deiwa kopdiñ u sñiooh.
Neiliang u Prime Minister Charnvirakul da ong u wa da chem ya 27 tylli ki metyap wei da kit ya kattu katni kiwa da mynsoo cha hospital.
Da ong u leh wa i takit hajrong ini da lai i chaphrang.
Chooh chooh u Prime Minister da ong u wa da yaklam u wa uwa tem wa rwai hapoh ka Bar uwa da khana wa da sdang kop i diñ na Cut-Out Switch, wei da poor syndet i diñ heiwa boon ymye ki wow yut neidaw wa rben i tdem.
Ini i Bar toh i Rong Beer Na Lat Phrao, wa em ha Chatuchak District ka Bangkok wa man leh i thaw wa pawnaam.
Discussion about this post