Kawi ka kynthai ha chnong Hapur ka jylla Uttar Pradesh dapoi Hospital ko hadien wa dih ko dei Acid napoh u klong wa dang kset wei uni u klong toh uwa man thij kam u klong um Bisleri, iwa da pynman ya ki pulit wow takit ki yeini.
Ini da jia i ha i bynta ka thaaiñ Arjun Nagar heipor wa kani ka kynthai deilang wa ka bei ko da psiah ki hapoh iwi i dukan dai kpeiñ dai khadu wei u klong um toh uwa da thied na iwi i dukan. Heipor wa wai ko yow dih ya ka um da phet ko cha lait yow myntu heiwa da kjut da chitom ko pyn heini i thaw.
Kamtæ da pynkit ka cha Hospital wa em chajan wei hadien won cha kawa em ha Meerut neidaw wa joor i chitom ko.
Iwa riñ da ka CCTV da pynyoo yeini wa jia wei ki pulit da takit ki wa kammon da em dei Acid hapoh ka um dih.
Ki pulit da pyntip ki wym pu em yoh ya ka ujor tangwa da lai ki cha kani ka thaw hadien wa tip ki yeiwa jia wei kamwa man dang chah sumaar kani ka bru wei da kyntu ki leh ya ki paidbah wym toh u suba sih kat wym pu em dep yei takit.
U tre ini i dukan da pyntip u wa manda poi kini ki kynthai ha dukan u ha ka 10 tarik uni u bnai da paan um ki, kamtæ da phah u wow lai thied um heiwa da lai uwi uwa kreh wow thied na i dukan wa em hajan wei da e u ya uni u klong cha kini ki kynthai.
Kani ka kynthai mar ya dih da sñiaw ko kamwa chah thang u chyoh ko wei da mih ko cha lait yow mynthu.
Kawa dai won ya uni u klong um da ong ko wa da chim ya u klong napoh ka Freezer uwa boohlang wa kiwi ki klong wei ym em suba u wa em iyi iyi wa lait.
Discussion about this post