Le ngut kiwa na India kiwa da wiar da pyntikna toh kiwa da yap kiwa em ha ka jhaad wa chah siat ha ka USA ha Strait of Hormuz ha rood duriaw ka Oman.
Yeini da pyntikna da u Sarbananda Sonowal uwa man kam u Minister of Ports, Shipping and Waterways heiwa da ong u wa kini ki le ngut kiwa nyngong mut toh kiwa wiar tangwa da chem yei metyap ki.
Ini da jia i ha ka jhaad MT Settebello, kawa em 24 ngut ki nong India kam kiwa kreh wei kani ka jhaad kawa da chah siat ko hajan Gulf of Oman.
Nyngkong neiliang ka Ministry of External Affairs (MEA), da ong ko wa da ye u pynlait ya ki 21 ngut katwa 3 ngut dang wiar ki heiwa dang thooh ya ki chirup wa ki bor ka ri Oman.
Iwa phylla dooh toh wa ka jhaad MT Settebello ym em kheiñ kam ka jhaad wa chah khang næ wa chah Blacklist ha ka USA.
U General Secretary ka FSUI, u Manoj Yadav leh da pyntikna u yeiwa jia heiwa kiwa yap toh kiwa na Himachal Pradesh, Deoria (Uttar Pradesh) wa Andhra Pradesh.
Discussion about this post