U khynnah wa dang 11 snem da yah u ya ka kari Pick-up u pa u heiwa da tyrrah u ya ki Bhuddist Monk kiwa lai kjat ha Thailand heiwa da yap hadooh 9 ngut kini ki Monk.
Katkam i Video CCTV wa da riñ ha ka 2 tarik uni u bnai heipor kamwa 11:00 waje i step, da yoo wa lai kjat kini ki Monk wa sap sula rong umsoh wei da chah tyrrah ki ha ka kari wa pynhær bha kawa da ku cha rood sarok wa lai kjat ki wei kiwa chah tyrrah da yoo wa da sied ki cha suiñ.
Ini da jia i ha Mukdahan iwa em kamwa 650km na nongbah Bangkok.
U Governor ka Mukdahan Province, u Vorayan Bunarat da ong u wa em 34 ngut ki Buddhist Monk kiwa lai kjat cha iwi i Temple wa em ha Ubon Ratchathani.
Ki dur wa mih neini da yoo ya ki bru wa thiah ha madan.
U Bunarat da ong u wa san ngut da yap ki hei thaw wa jia katwa soo ngut won da yap ki ha Hospital heiwa le ngut da mynsoo joor ki.
Ki pulit da ong ki wa uni u khynnah da yah u ya ka kari khlem tip næ yohbor na ka bei wa u pa u wei da yah u ka kamwa 10 km chwa wow tyrrah ya ki Monk.
Ki Buddhist Monk toh kiwa da kheiñkor bha ha Thailand, heiwa 93% bood ki ya kani ka niam.
Boonsien ha katai ka ri da em ki Sign ha ki sarok wa ki kari paidbah wow e thaw chong ya ki Monk kamjooh ki manbei wa pun-khon wa kiwa da heh rta.
Discussion about this post