Lute wei pyrchang pynyap uwi ya ka bru yow su ram Online Games

Uwi uwa lai puræ Degree uwa em 21 snem i rta da pyrchang u wow pynyap ya kawi ka bru wa kreh mylla kawa em 55 snem i rta hadien wa lute u ya u kpieñ ksiar (Mangalsutra) wa ki sahchkoor ko wei da ngiat u ka chapoh kawi ka thlu um wa yillu.

Uni u bru wa tip kam u Damma Dinesh Reddy uwa na Gollapalli uwa puræ Second Year Degree da kit u ya kani ka bru na Karimnagar ka jylla Telangana deiwa kular wow e kreh ya ka tangwa manda poi ha Nustulapur, Thimmapur da lute u ka.

Katkam i takit ki pulit ya u Damma, da chem wa da lut u hadooh Rs. 4 lak deiwa leh Online Games wei dadap ram u leh hadien wa chim poisa u na ki Loan Apps.

Ha ka 1 tarik uni u bnai, u Damma da yachem u wa kani ka bru heiwa da kular u wow e kreh ka wei da kit u ka da ka thuk-thuk heiwa da yah u ka cha i thaw wa langam cha rood ka chnong Nustulapur heiwa heini da dat u ka wei da lute u ki i ksiar i rupa ko.

Related posts

Poi chei chah thang kari, i mynsoo ki pulit nei yakhih kiwa puræ ka Lovely Professional University du deiwa suba wa em kawa chah slaitbor

September 27, 2026

Chah tooh ki chijur Rs.1 klur hadien wa pynyoorong ya ka spah wei ksiar

September 27, 2026

Ki pulit da pyntip ki wa hadien wa leh u yeini, da ngiat u ya kani ka bru chapoh ka thlu um wa pynemkaam kiwa rep. Tangwa kani ka bru da ksoh ko ya u tylle yow lait u ngam chapoh um, heiwa u Damma da ah u leh ya uni u tylle.

Kani ka bru kawa tip u yimpa da ksoh won ko ha u tylle wa pyndait ha u Pipe wa taan um na kani ka thaw wei da neh ko hapoh heini hadooh wa poi i step heiwa da wan uwi uwa rep uwa da sñiaw yeiwa paan yarap kani ka bru uwa da lai pyntip cha ki pulit.

Ki pulit da pynemkaam ki da ka palong thaiñ yow taan ya kani ka bru cha lait.

Ki pulit da ye ki wow kem ya u Dinesh deiwa Track ya ka Mobile Phone u heiwa na oo da chem Rs. 5000, ar tylli ki Mobile Phone deilang ki sahkti rupa.