Ki pulit ka Jammu and Kashmir da pyntikna ki wa i pdung Bomb ha Nowgam Police Station ynnin ka 14 tarik heiwa da yap 9 ngut wei mynsoo 32 ngut toh nei bakla (Accidental Blast) wei ym em yatoh wa kiwon kiwon ki seiñ.
Ini i pdung da jia i heipor wa ki sahep dang pynlang wei sylli ki ya ki mar chna Bomb wa da kem na Faridabad ha kani ka tayaaw.
Neiliang u DGP, u Nalin Prabhat da ong u wa kini ki mar da pdung syndet ki ynnin i miet heipor wa dang sylli ya ki heiwa dang ong u wa ki bor ka aiñ da chimkhia bha ki yeini.
I sdang wow kem ya ki bru wa emkti ha ki kaam Terrorist da sdang i nadooh u Naichiphaw hadien wa mih ki poster maham ha Nowgam wei hawa booddien ya ki CCTV da kem ya ki le ngut kiwa da kdaw cha u Maulvi Irfan Ahmad uwa phah ya ki Doctor wow embynta ki ha ki kaam pyrchah aiñ iwa poi chei tympdung Bomb ha Red Fort, Delhi ha ka 10 tarik uni u bnai.
Ini i takit da poi i chadooh cha Al-Falah University ha Faridabad heiwa ki Doctor, u Muzammil Ganaie wa ka Shaheen Sayeed da chah kem ki chirup wa i Ammonium Nitrate, Potassium Nitrate, Sulphur wa 2,900 kg kiwi ki tiar chna Bomb.
Discussion about this post