I suba chna Bomb ha tnoom yung wa em ha sorbah Bhubaneswar da wanrah i yei yap ki ar ngut wa kynthup ya u Sehnawaz Malik (26 snem) wa ka bei u, ka Lizatun Bibi (51) hadien wa pdung u Bomb wa chna ki katwa ka kurim u Malik, ka Truptimayee Mahal wa ka Amiya Mallick da mynsoo ki.
U Malik toh uwa da jooh chah kem ha ki 7 tylli ki Case nachwa.
Ini waroh da jia i ha ka 27 tarik u January ha Sundarpada ka sorbah Bhubaneswar heipor 2:45 i sngi tangwa i Video wa riñ ka CCTV da mih i dang ha kini ki sngi heiwa da yoo yeiwa pdung u Bomb wei da phet kawi ka bru kawa da kiad wei pynjet ko ya ki sula ko neidaw wa kop diñ.
U chynrang won da yoo yeiwa da mih snaam u heiwa chim u ya ki that wa kopdiñ wei da chong u ha khyndaw hajan ka Top um iwa ye u man yow sai um yow tympleh yei diñ katwa kawi won ka kynthai da pyrchang ko wow yarap oo.
Kani ka kynthai heipor wa yarap da yoo yeiwa tlot ko wei uni u chynrang hadien kattu katni por da thiah u ha khyndaw.
Ki pulit ka Bomb Squad, ki pulit tymplæh diñ wa ki Forensic da wan ki ha ini i thaw wow pynlang ya ki sabut.
Neiliang u DCP ka Bhubaneswar, u Jagmohan Meena da pyntikna u yeini i jia wei da chimkti ka National Investigation Agency (NIA) wow takit yeini.
Discussion about this post