theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Yap ka Rosy Sangma neidaw wa kheiñstiñ ka thaw sumaar, ong ka CBI

Advertisement ad1

Ka Central Bureau of Investigation (CBI) da lai ko chakhmat wow pynngat ha ka aiñ pyrchah ya u Managing Director wa ka Dentist ka Hospital ki bru samen wa em ha Gurugram heiyatoh wa i yap ka Rosy Sangma kawa kreh kam ka Air-Hostess ka GoAir iwa da jia ha u Naiynru ynnin u snem.

Ya ka FIR da li booh ynnin ka sngi hadien ka takit kawa da leh chi snem heiwa ki kyndon wa da pynngat toh ka Section 304-A ka IPC kawa yatoh wa i yap neidaw wa lehstiñ lane wym chimkhia wei ka FIR toh pyrchah ya u Dr. Anuj Bishnoi, Managing Director ka Alfaa Health Care Hospital wa ka Dentist kani ka Hospital, ka Dr. Anjali Ashk.

Kam wow pynkynmoo wa ka Ministry of Home Affairs da phah takit ko da ka CBI hadien kiwa boon kiwa mihkhmat ka thaaiñ North East nadooh ka Agatha Sangma, MP, u Montri Ranghbah, u Conrad Sangma, u Montri Rangbah warim, u Mukul Sangma wa u Lat ka jylla, u Satya Pal da kyntu ki ya u Amit Shah, Home Minister wow pynman da ka takit hajrong i yap ka Rosy Sangma wa u pyrsa ko, u Samuel Sangma.

Ha ka FIR da ong wa ka takit da chem ko wa ka Rosy Sangma da ood kjut ko ha waroh ar ki kti ko wa ka kjat timun wei joor leh i pynhiar ko kamjooh i joor i mih snaam poi bnai ko ha ka 23-06-21. Da wanrah ya ka cha ka Alfaa Health Care Hospital, Sector-10, Basi Road, Gurgaon heipor 6:00 waje i step ha ka 24-06-21 wei ka takit da chem ko wa i daw wa khlaad ka Rosy Sangma toh neidaw wa kheiñstiñ wei wym chimkhia u Dr. Anuj Bisnoi wa ka Dr. Anjali Ashk.

Katkam ka FIR ka CBI, ka Dr. Anjali toh kawa pait ya ka Rosy hanla ka man ko da ka Dentist kawa ym tip chaphang ka Gynaecology heiwa ka da ong ko wa hap e 4 Unit i snaam wei hap phah ya ka Rosy cha u Gynaecologist. Tangwa ym em khut Gynaecologist hadien 6 kynta leh wei ym em e snaam ya ka hadien 5 kynta wei da man i daw wa khlaad noh ka Rosy.

U Dr. Anuj Bishnoi (Director) da poi u cha kani ka Hospital hei sien nyngkong heipor 10:26 waje i step ha ka 24 tarik katkam wa da chem lyngba ka CCTV hanla da pyntip cha oo yeini wa em kawa chitom bha heipor 6:00 waje i step.

U Dr. Bishnoi heipor 12:30 pyrdi sngi da phah chithi cha u SHO Police Station Bijwasan (Delhi Police) wa em kawa chah sumaar ha Hospital kawa chitom joor wei da khlaad noh ko. Hadien ini da pyntip biang u cha u SHO PS Bijwasan heipor 1:30 wa da suba wa em wa e bih lane iyi iyi neibhah kani ka bru heipor wa li booh cha ka ICU toh da chitom joor ko wei ym em yarap iyi iyi i sumaar wa e ya ka wei da toh wow rah ya ka cha ki thaw sumaar kam ki Civil lane kiwi kiwa rap heh. Ini i pyntip cha u SHO toh thij i jooh ha waroh ar tangwa da pher du i por donhi.

U Bishnoi da pynkhreh u leh ya ka Discharge Card heiwa da suba u wa em wa e bih lane i leh wa sih heiwa da thoh u wa da wan booh ha Hospital heipor 6:00 waje i step wei da phah wow lai cha kiwi ki Hospital heipor 12:00 waje pyrdi sngi wei da thoh u leh chaphang i e snaam, i chitom joor, i chitom ko u riñ mynsien wei da phah wow rah ya ka cha kiwi ki thaw sumaar wa rap heh tangwa ym em phah ki wow rah ya ka cha ka Civil Hospital lane kiwi ki thaw sumaar wa rap heh kyrdan, da ong ka CBI.

Puræ leh: Daw takit da ka CBI hajrong i yap u Samuel waka Rose

Share this:
Previous

Da pynlait ya u khoo rachon neibynta u Naisaphra ha West Jaiñtia Hills

Next

Da toh pynhaap ya ka snieh-poisa wa em ki kot ki sla wa emkaam ha Ladrymbai