San ngut ki YouTuber da dooh ki yei mynsien yong ki ynne ka sngi Bibar hadien wa kawi ka Truck da tyrrah ko ya ka kari yong ki (Swift Dzire) mar dei khmat kawa em ya u Number AS-07G-6794 iwa da jia ha NH-15 ha ki bynta ka Darrang District, Assam.
Kini ki YouTuber toh kiwa dang liwan na Rowta hadien wa wan riñ dur ki heiwa da jia ini ya ki.
Kiwa yap da tip pyrtuid kam u Faridul Islam, u Azad Ali wa u Ibrahim Ali kiwa na Shyampur katwa ka Sania Akhtar kawa dang 13 snem waka bei ko ka Monowara Begum toh kiwa na Daipam.
U Islam, Azad wa u Ibrahim toh kiwa da jooh riñ pyn da ki hi neibynta u YouTube Channel yong ki “SR Official”, katwa ka Sania em ko ka yong ka hi u YouTube Channel “SH Product”.
Kiwa em hapoh kani ka kari waroh da em ki 8 ngut wei ya kiwa mynsoo da kit nyngkong cha Mangaldai Civil Hospital wei hadien won da kyrriah cha Guwahati Medical College.