Yap u khynnah uwa na Meghalaya hadien wa baam yei baam wa da man bih ha Karnataka  

U khynnah wa dang 13 snem uwa puræ Class VII wa tip kam u Kerlang Khongtani uwa na Lyndem, Pynursla, East Khasi Hills da dooh noh u yei mynsien hadien wa oo deilang kiwi ki khynnah skur da baam ki yei baam wa da sih da man bih (Food Poisoning) iwa da jia ha Mandya, Karnataka.

Uni u khynnah toh uwa lai puræ ha kawi ka Residential School wa tip kam ka Gokula Vidyasamsthe wa em ha chnong T. Kagepura, Malavalli hapoh ka Mandya District wei heiyatoh wa ini da kem ya 3 ngut ki bru wei da Register Case pyrchah ya 6 ngut.

Waroh da em kamwa 40 ngut ki khynnah kiwa da yoh kjut deiwa baam yei baam wa da sah iwa da pynkhreh kam chibynta ka lehkmen Holi ha ka 14 tarik iwa da su da uwi u heh spah wei yeini i baam da wan e cha kini ki khynnah ha ka 15 tarik iwa da baam ki hapoh ka Hostel kani ka skur.

24 ngut na kini ki khynnah toh kiwa na Meghalaya wa na Nepal wei kiwi won toh kiwa na Mandhya District kiwa sah ha kani ka Hostel.

Related posts

Da jied ya u Robert Francis Prevost kam u Pope wa thymme

May 8, 2025

Pynkhreh ka sorkar wym duna baam ha Meghalaya lada toh joor ka thma

May 8, 2025

Yeini i baam da e cha kini ki khynnah hei step ka 15 tarik wei da sdang ki wow kjut u chitom pyn ha kani ka step wei da li kit nyngkong ki cha ka PHC wei ha ka 16 tarik da lai booh ki cha ka Hospital sorkar wa em ha chnong Malavalli wei hadien won da kit ki cha ka Mandhya Institute of Medical Sciences heiwa u Kerlang da pyntip toh da khlaad u chwa wow poi u ha kani ka Hospital.

Ym du kini ki khynnah, kiwi won ki bru wa em palat 40 ngut kiwa da lai cha kani ka baam khawai da yoh kjut ki deilang wa uni u heh spah uwa da chah sumaar ha kawi ka Hospital wa em ha Mysuru.

Na kiwa chah kem da kynthup ya u tre ka Hotel wa chet ya ini i baam deilang wa kiwa pynlai ya kani ka skur.

Katkam wa pyntip u Deputy Commissioner, da em 40 ngut ki khynnah wa poi Hospital katwa uwi won u khynnah wa joor bha i chitom da kit ya oo cha kawi ka Hospital wa em ha Mysuru wei kiwa boon na kini ki khynnah da prai da pynhiar ki.

Da pyntip leh wa kani ka skur toh kawa da tipmit tangwa ka Hostel won toh ka wym pu em yoh bor ki u pynemkaam.

Yei metyap u Krehlang da e kti cha kiwa ha-yung ha-sem u.

Neiliang ka sorkar Meghalalaya da booh ko ki bru wow takit yeini wei daw lai ki cha Karnataka ha kini ki sngi wow wan.