Uwi u sahep IPS ha Karnataka, uwa dang dep chah hikai 4 tayaaw ha Karnataka Police Academy wa em ha Mysuru, da yap u ha i tyrrah kari heipor wa dang lai kreh nyngkong (First Posting) u ha Hassan District ynnin ka sngi.
Uni u IPS toh u Harsh Bardhan uwa 26 snem na ka jylla Madhya Pradesh wei toh uwa na ka 2023-Batch ka IPS hapoh ka Karnataka Cadre.
Ini i tyrrah kari da jia i heipor wa ka chaka ka kari pulit wa chong u da pdung ko wei nei wym de ye uwa yah u khun ya ka kari, da tyrrah ko ya iwi i yung wa em harood sarok deilang wa u dieñ ha i thaw wa em ha khappood ka Kittane u sarok Hassan-Mysuru.
Ha ini i tyrrah, u Harsh da mynsoo joor u na khlieh wei da yap noh u katwa uwa yah ya ka kari da mynsoo u malum malæ.
Neiliang u Chief Minister ka Karnataka, u Siddaramaiah da e u ya ki kyntien sñiawlem cha kiwa ha-yung.
U Harsh da toh u lai kreh u yow chimkti kam u Probationary Assistant Superintendent of Police ha Holenarasipur.
Discussion about this post