Ynne ka sngi, heipor kamwa 12:15, u President ka VDP ka chonng Lamyrsiang da pyntip u cha ki pulit wa em i metyap wa pær ha ka wah Shka Larsiang.
Kamtæ ki pulit da lai ki cha kani ka thaw wei da chem wa uni u bru toh uwa tip kam u Nestoss Pala (75 snem) uwa na ka chnong Lamyrsiang, East Jaiñtia Hills.
Hei takit ki pulit da chem wa uni uwa khlaad toh uwa khlan u dih kiad wei kiwa ha-yung ha-sem u da suba ki wa da kaap um heipor wa liwan cha yung na ka dukan kiad wa em cha chiliang ka wah wei da chah rah u ha ka um.
Hadien wa pyndep ki pulit ya waroh ki kyndon deiwa chondur wei riñ dur, neiliang kiwa ha-yung u da paan bor ki ki na u ADM ka Khliehriat yow pynlait ya i metyap khlem da leh Post-Mortem yow ye wow pyndep ya ka niam ka rukom.
Hadooh wa pynmih khubor dang yang ya ka hukum na u ADM.
Discussion about this post