Ha iwi i jia wa sñiawsih, uwi u bru wa yah ya ka Truck da yap u nei slem u yoh yarap hadien wa tyrrah kari ha u sarok ha Chakmaghat wa dang haap hapoh ka Teliamura Police Station ka Khowai District, Tripura.
I yap uni uwa yah toh nei sahkut u hapoh Truck wei i slem u yoh yarap weiwa thut ki tiar heipor wa wan yarap ya oo.
Ini i jia da pynchrai i ya ki bru wa boon iwa da pynartatien ya ki yei pynkhreh ka jylla lada em i jia wa sñiawsih syndet syndet.
Ini da jia i hei step synyaaw ka 5 tarik heipor 2:30, heiwa kani ka Truck wa kit khyndawbilat wa lai na Dharmanagar cha Agartala da yatyrrah ko ha u sarokbah National Highway ha Chakmaghat.
Ya uwa yah da tip kam u Mihir Lal Debnath, uwa man leh u tre ka Truck wei da sahkut u da ki kynta hapoh ka Truck kawa da ñion naphrang wei da chah ban u chi bhah i doh i phaad u.
Kiwa sakhi da ong ki wa da paan yarap u tangwa slem ki bor sorkar u wan da ki kynta heiwa da sahkut u hapoh kamwa 6-7 kynta.
Manda poi kiwa kreh ka Disaster Management da rah ki ya ki kor ah naar tangwa ym em u krehkaam ki.
Khaddooh heipor 9:40 i step hadien kamwa 7 kynta da ye u sai noh ya i metyap u Debnath wei da kit noh cha Teliamura Sub-Divisional Hospital.
Neiliang u Chief Minister ka Tripura, u Dr. Manik Saha da phah u yei takit hajrong ini.
Discussion about this post