Uwi u bru uwa 42 snem i rta da yap u hadien wa haap ka Fan hajrong u katwa dang chah sumaar u ha Emergency Department ka Guru Teg Bahadur (GTB) Hospital, Delhi ha ka 18 tarik uni u bnai.
Ini da wanrah i tieñ wei tieñsaar hajrong i chngaaiñ ki thaw sumaar ha nongbah Delhi, heiwa neiliang ka Hospital da kyntait ko yeini deiwa ong wa da yap u nei kjut yong oo hi.
Ini da jia i heipor 9:30 i miet ka Emergency Ward 27 heiwa u Mohammad Akbar dang chah sumaar u.
Ki pulit da ong ki wa ka Nursing Officer wa em hajan u Akbar leh mynsoo ko.
U Akbar da chitom u na ka Hypertension, Meningoencephalitis wa Pneumonia.
Katkam ka Death Certificate ka Hospital da ong wa u Akbar da yap u heioor kamwa 12:16 i step synyaaw hapoh le kynta neiwa haap ka Fan ha oo.
Neiliang kiwa ha-yung u Akbar da pynbaad ki wa ini toh nei khaler wei kheiñstiñ ka Hospital.
Discussion about this post