theme-sticky-logo-alt
theme-logo-alt
Advertisement ad1

Yarap niaam rong u Conrad ya i yung wa chna hapoh ka Scheme PMAY

Advertisement ad1
Advertisement ad1

Ynne ka sngi u montri rangbah ka jylla, u Conrad Sangma da yarap u niaam pyndep ya i rong ha i yung yong uwi na kiwa yoh myntoi na ka Scheme Pradhan Mantri Awas Yojana (PMAY) ka sorkar pyrdi, u Clever Marak ha Songsak, East Garo Hills District.

Neiliang u Conrad da ong u wa man i iwa kmen wow yoo wa ka imlang sahlang kyrchaan ko ya ka sorkar wow wanrah ya i kylla khamtam wow pynkrehkaam ya ki Scheme wow yoh myntoi ki paidbah deiwa ekhublei leh ya ki bor sorkar kam u BDO ha ini i kaam.

Advertisement ad1

Kani ka Scheme chna yung PMAY toh kawa da sdang ha u Naiynru 2015 da u montri rangbahdooh ka ri, u Narendra Modi wow pyntikna wa yoh ki manyung kiwa duna hei yoh i laa ya i thaw sah wa paka.

Ka PMAY toh ka Scheme yong ka chnat Ministry of Housing & Urban Affairs ka sorkar India heiwa da booh thong wow chna hadooh 2 klur tylli ki yung neibynta ki manyung kiwa duna hei yoh i laa chwa ka 31 Wisu (Mar) 2022.

Share this:
Previous

Pyrchah ka JSM yei wanrah sniang na Assam

Next

Ka aiñ yada masi yong ka Assam man ko pyrchah ya ka riti synchaar ka ri, phah tuklar ka HYC