15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Yaroh ka AJYWO ya ki pulit ka Jowai PS wa yohkem ki ya u Ioannis Pala

0 Comments
Advertisement ad1
Advertisement ad1
Advertisement ad1

Jowai: Ka seiñ AJYWO Central Body da yaroh ko ya ki pulit ka Jowai Police Station hajrong wa kreh chitom ko wow yoh kem ya u Ioannis Pala u wa man kam u Chairman yong ka Pala Group ka wi na ki Non-Banking Finance Company (NBFC) kawa krehkaam ha West Jaintia Hills District nadooh u snem 2013.

Kani ka company hapoh ka i yahkhmat u Ioannis Pala da chah pynbad ko wa da baam tooh ki ya ka poisa ki paidbah wa pyllang poisa ha katai ka Company.

Advertisement ad1

Kam wow pynkynmo, hadien wa kiwa kreh (agent) wa ki paidbah wa booh poisa ha ka Pala Group da chah thok ki dei wym su de ya ka poisa yong ki deilang wa ka sut, da wan ood ki cha ka seiñ AJYWO ha ka 11.06.13 wei ka seiñ da ujor FIR syndon ko pyrchah ya ka tai ka company ha Jowai Police Station wei da phah leh ya kani ka FIR cha u DC wa u SP ka District.

Ka seiñ da kyntu ko leh ya ki bor yong ka aiñ ha West Jaiñtia Hills District wow thooh wei wow kem lut ya waroh kitu kiwa em kti lang wa u Ioannis Pala kiwa da thok lang ya ki paidbah wei wow pynchitom ya ki katkam ka aiñ.

Ini i yoh kem ya u Ioannis Pala da e mynsien ko ya ki paidbah wei yooluti wa ki pulit ym chong kli kti wei ka takit u lai ko cha khmat wut wut yow chem dien ya waroh iwa jia wa kiwa emkti ha ini i kaam.

Ka seiñ da kyntu ko leh ya ki paidbah yow man ki kiwa sian wei ym hoi u chah pynbiej ha kam kini ki Company wa kular ya ka sut wa heh wei lada dang chem ki wa em kam kini ki Company yow pyntip cha ka seiñ.

Kani toh katkam ka khubor wa phah u President ka AJYWO u MH Dkhar.

Also Read: Sa kamwa T. 40 lak kam u Director ka Pala Group dang sah u su cha ki paidbah

Share this:
Previous

Kem wei pynchitom ya kiwa emkti wow kamai tooh ha Amsarin Weigh Bridge: KJNU

Next

Mynsoo le ngut hadien wa da u pyrthat ha ki ar thaw