Jowai : Ka seiñ Khasi Jaintia National Union (KJNU), Saba Unit ha ka khubor wa da pyllait da u Andreas Suchiang uwa man u president ka seiñ, da yaroh ki ya u ma Robinus Syngkon uwa man kam u Local MLA ka thain (4-Mookaiaw Constituency).
Ka seiñ da kam ko wa da i kitkhlieh kitkhia u ma Robinus da kreh ya u sarok yow pynheh wei wow chna thymme nadooh na Lad Nongkynrih hadooh ha Barato uwa jrong kamwa 17 Kilometer.
Neiliang ka seiñ da kyrpad wei da kyntu ko leh ya uni u nongmih khmat yow chim khia u wow pynchna u sa u sarok na Mukroh hadooh ha Saba neibhah kini ki chnong emkaam hok ki ya u sarok wa miat yow wanrah ya i roi i par cha ki chnong khapood neibhah uni u sarok em u wa u pood ka Karbi Anglong ha Assam.
Da ong leh wa ha i por kjut i chitom wa yoo wyrai ya ki wa kjut wa hap ki thooh dawai deiwa lai na uni u sarok wa sih.
Neiliang ka seiñ da kyrkhu kyrdooh ki ya u ma R. Syngkon wei yooluti ki leh wa daw ptein ki chakri paidbah yong oo khamtam ya ki wa kup chiliang sem chiliang.
Discussion about this post