Shillong: Ka Meghalaya Football Association da e khublei wei da yaroh ko yaka H Elias Higher Secondary School Football Team wa waroh kiwa da kreh chitom yow jop ki yaka U-17 Boys Subroto Cup Football Tournament ha New Delhi ynnin ka sngi.
Ka H Elias da jop ko yaka Bangladesh Krira Shiksha Protisthan (Defending Champions), kawa man leh ka chlem sikai yalehke Sport (National Sports Institute) ka Bangladesh da 1-0 haka Final.
“Neibynta ka Meghalaya Football Association, nga kwah O wow e khublei yaka H Elias Higher Secondary School- kiwa yalehke, ki heh ka skur, wa ki Coach naka Directorate of Sports and Youth Affairs-yeiwa wa da ye ki u leh. Ym toh du wa jop ki yaka Tournament wei da leh bha ki nadooh was dang ka Tournament,” ong u President ka Meghalaya Football Association u Larsing Ming Sawyan.
“Ha kini ki snem wa da dep wa da lai ym em boon ki liang na India wa jop ka ka Subroto Cup wei wow jop leh yaka liang ka Bangladesh kiwa man leh ki Defending Champion, ym toh iwa ke. Kani man ko ka wow sahkynmoo yaka Meghalaya wei da yoo luti wa daw mih chooh chiboon ki Result wa bha ha kini ki sngi wow wan,” da ong chooh chooh u.
Haka yalehke Final da pynjop yaka H Elias da kool wa thap u Sangti Janai haka minit wa 32 wei da ini i jop da yoh leh yaka song poisa wa T. 4 lak.
Discussion about this post