Kiwa pathai khubor kiwa em 14 ngut kiwa na Maharashtra ynne da lai ki cha Mawlynnong ka chnong wa khooid dooh ha Asia heiwa da yaroh ki ya ka jylla wa i rukom im wa i yatoh ki bru waka bei rymaw deiwa yada ya ka heiwa da lai ki leh cha Shnongpdeng wei da sakhi ki yei jngiar ka wah Mynngot.
Kini kiwa pathai khubor na kylleiñ ka Maharashtra da wan ki cha Meghalaya wa Assam nadooh ynnin ka 29 tarik wei daw neh ki hadooh ka 4 tarik u Khonchonglad kam chibynta ka Media Tour wa pynman da ka Press Information Bureau, Maharashtra- Goa ka Ministry of Information and Broadcasting ka sorkar India.
Kini kiwa pathai khubor poi ki ynnin ha Guwahati wei daw lai ki cha kiwa boon ki thaw ha Assam wa Meghalaya. Daw lai ki leh cha Assam Rifles, North East Council, Khasi Autonomous Hill District Council, Assam Police, Tourism Department, AIIMS -Guwahati, IIT-Guwahati wa kiwi kiwi.
Kani ka Media Tour toh wow tip ya ki kattu katni ki kreh ka sorkar wa da leh ha ki thaaiñ mihsngi kamjooh ka riti dustur wei yow sñiawthooh yei rukom im ki bru kamjooh yow yoh u ya e buit kylla.
Ya kani ka Media Tour da leh hapoh i yahkhmat ka Jaydevi Pujari Swami, Deputy Director, PIB Mumbai wa i kyrchaan na ka PIB Shillong, PIB Guwahati wa DDK Shillong.
Discussion about this post