U Nicholas Low uwa man kam u British Deputy High Commissioner wa em ha Kolkata, ynnin da wan u wow yachem wa u Lat ka jylla Meghalaya, u Phagu Chauhan ha Raj Bhavan, Shillong.
U Nicholas Low ha ini i yachem da tyrwa u yei kyrchaan ka ri yong oo kamjooh yei ya krehlang yow pynku pynroi ya ka Meghalaya ha ki kaam sumaar sukhær, ka puræ puthi, ki kaam uiñke suwari wa kiwi kiwi.
Da yaroh u leh yei miat ka jylla Meghalaya deiwa ong hadooh katwon sariem ki loom ki wah waka UK khamtam waka ri Scotland heiwa da khana u ha u Lat yei emyatoh warim hapyrdi ka UK, ka Scotland wa ki Elaka ka Meghalaya.
Da ong u leh ini i ya sariem da pynman ya ka Meghalaya wow tip ya ka kam ka “Scotland of the East”.
Da yaroh u leh yei miat wei yei ye u pynneh ya ka thaw sah u Lat, ka Raj Bhavan wei da e khublei u leh yei pdiang sñiawbha ya oo.
Discussion about this post