Yaroh u Conrad ya ka chnong Mawtharia, Pomlakhrai

U montri rangbah ka jylla, u Conrad Sangma da yaroh u ya ka Dorbar Chnong Mawtharia kawa em hapoh ka Pomlakrai ka Mylliem C&RD Block ka East Khasi Hills heiyatoh wa ka rai ka chnong wow yarap ya kawi na ka manyung ka chnong.

Kani ka manyung toh kawa da chah ktah ha u COVID-19 heiwa da em kawa da yoh ya uni u khñiang.

ADVERTISEMENT

Neiliang ka Dorbar Chnong da rai ko wow kyrchaan wei wow yarap ya kani ka manyung hadien wa da pyntikna wa em kawa na kani ka manyung wa da chah ktah ha uni u khñiang COVID-19.

U Conrad da yaroh u ya kani ka chnong neibhah wa da tylli ki paidbah chirup wow kyrchaan ya kani ka manyung.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da pyntip u wa neiliang ka dorbar chnong da rai ko wow pyndap u pynbiang ya iwa emkaam kani ka manyung khamtam wa yatoh wa ki marbaam neibhah wa ki emkaam ki wow neh ha yung (Home Quarantine) neibhah ymye ki wow mih cha baar wow thied marbaam.

Heijooh i por da pyntip u leh wa ka chnat i chait i khiah da chim ko ya ki sample yong ki 36 ngut ki Primary Contact namo kiwa da yachem kani kawa yoh na kani ka chnong wei dang yang ya ka report yong ki deiwa pyntip leh wa u montri ka chnat i chait i khiah, u AL Hek leh da lai yachem u ya ki heh kani ka Dorbar Chnong.