Yaroh u Conrad ya ka SC hajrong ka hukum mooyong deiwa beiñ ya ka sorkar warim

Shillong: U montri rangbah ka jylla, u Conrad K. Sangma ynne da e yaroh u ya ka hukum wa pynmih ka Supreme Court hajrong u mooyong kawa da pyndam ya i khang mooyong ka National Green Tribunal (NGT) wei ka hukum wa pynmih ynne ka sngi da yada sakhiat ko yei hok yong ki jaitbru ri-loom.

“Ka SC deiwa hukum wa i thaw wa ki mar pohkhyndaw toh i yong ki tre thaw man i iwow sahkynmoo, neibhah wa da pynman tre pura ko ya ki tre thaw,” da ong u Conrad.

Chooh chooh da ong u wa ka Meghalaya toh u sñiawthooh ko nei khang mooyong wa i ktah ya i khayi pateiñ deiwa pyntikna wa neini i tih toh u man i iwa katkam ka juk wa katni deiwa yada leh ya ka rymaw.

Da e khublei u leh ya ki muktiar kiwa da yahkhmat da u Advocate General, u Amit Kumar kiwa da pynkhreh wow yania pyrchah ya ka hukum khang mooyong ka NGT.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

“Ki muktiar da kreh chitom sakhiat ki wow pyntikna wa da biang ya ki kot ki sla. Ka sorkar warim ym em leh ko iwon iwon hajrong ini, i won da yaleh i wow yakhun pyrchah ya ka hukum ka NGT wei nei kreh chitom ki muktiar da ye wow yoh ya u soh wa jop,” da ong u Conrad.

Da ong u leh wa ka hukum ka SC ynne man i i jop yong ki paidbah khamtam ki jaitbru ri-loom.

Heijooh i por da pyntip u wa ka SC da pdiang ko yei tyrwa ka sorkar jylla wa ka T. 100 klur wa da daiñ da ka NGT daw ktah joor ko ya ka jylla Meghalaya kawa khian katwa kamtæ ka SC da phah ko wa ya kani ka poisa toh u ah na ka MEPRF Fund, kawa da chna wow pynlang ya ka poisa wa da daiñ na kiwa tih mooyong tooh, kiwa kit mooyong tooh wa kiwi kiwi.