Shillong: U montri rangbah ka jylla, u Conrad Sangma ynne da ong u wa ki khynroo khyllood yong ka ri toh kiwa ye u wanrah yei kylla katwa kamtæ emkaam wow man kiwa kreh chitom khnang wow ye u wanrah yeitæ i kylla.
Hawa klam ha ka yalang wa pynman neibynta ki dkhot ka NCC na ki jylla waphær waphær ka ri ha ka NER Trek 2018 ha Assam Rifles Directorate, Laitkor Shillong, u Conrad da ong u wa emkaam bha wow pynman ya kam kini ki Camp wow wailaad ya kiwa chimbynta wow tipmit ki iwi ya iwi na ki jylla waphær waphær.
“Da wan phi na kylleiñ ka ri wei heipor wa em phi heini emkaam u pait yei miat ka rymaw, i rukom im ki bru hapoh Meghalaya”, da ong u.
Da pynsñiaw u leh yei kmen hawa yoo ya ki Cadet (dkhot) ka NCC napoh jylla kiwa da paw bha ha jar jiar ki bynta deiwa kyntu ya ki wow man ki ki bru ki wow kynrong ya ka ri waroh kawi.
Kiwi kiwa da em ha kani ka sngi toh u Brig. S.B.K. Singh, DDG NCC Dte NER wa u Brig. P.M. Bali, NCC Group Cdr Shillong.
Discussion about this post