Ynne ka sngi u Montri wa pait ya ki kaam pohyung ka jylla, u Lahkmen Rymbui da ong u wa i takit hajrong i yap ki 6 ngut ha Deinshalalu, East Jaiñtia Hills District dang lai i chaphrang hadien wa yoh ya i ujor.
Hawa kylli, da ong u wa ki pulit da rah ki ya ki kattu katni ngut ki bru wow takit ya ki wei da em leh na ki kiwa da yoh jamin.
Heiyatoh wa i maham ka liang pyrchah wow ujor cha u Montri Rangbahdooh ka ri India hajrong i khayi mooyong tooh, da ong u wa da em ki chnat wow pait yeini wei ka sorkar daw pynchitom ko ya kiwa leh pyrchah katkam ki kyndon ka aiñ.
Heijooh i por, u Lahkmen da ong u leh wa ym man i iwa suk ya ki pulit wow kem ya waroh deiwa yaroh leh ya ki hajrong i ye yong ki wow kem ya kiwa leh ya ki kaam pyrchah aiñ khamtam heiyatoh wa u mooyong.
