Uwi na ki heh spah ka ri uwa man leh u Chairman ka Mahindra Group uwa chongdor da ki Billion Dollar, u Anand Mahindra da yaroh u ya i miat ka chnong Nongjrong, East Khasi Hills.
Kani ka chnong man ko kawa da pawnaam hadien wa mih ki dur wa ki Video wa pynyoo wa em ko hajrong ki la’oh.
Ka Nongjrong em ko ha i jrong (Altitude) wa 1,094 metre na sla duriaw hajan Mawkynrew ka East Khasi Hills wei em ko 1,440 ngut ki bru wa chong chnong ha ka.
Kani ka chnong jngai ko kamwa 60 kilometer na Shillong wei ye u yoo ya ki la’oh hawah ka chnong heipor step.
Yeini u Anand Mahindra da booh u yei Video ha Social Media deiwa thoh leh wa ka Nongjrong ka chnong ha East Khasi Hills ka Meghalaya, man ko kawa miat neidaw wa em ko hajrong loom iwa yoo lakam wa mih i khlieh ko na ki la’oh. Da pynrap u wa ka pyrthai ympu tip ware ko ya kam kini ki thaw ha India wei boon na ki nong India leh ymtip ki yeini.
Discussion about this post