Ki heh ka Voice of the People’s Party (VPP) wa National People’s Party (NPP) ynne ka sngi da mih ki wow kyrchaan ya i yakhih ka Khasi Students’ Union (KSU) Sawsymper, Border Area wa Lawbah Area wow dawa pynku kyrdan Civil Sub-Division ya ka Mawsynram.
Ya ini i yakhih da pynman ha Madan Malki, heiwa ki heh ka NPP wa kynthup ya u MLA warim, u Himalaya Muktan Shangpliang wa u MDC u Alvinstone Sawkmie da e ki i klam chirup wa u Rusievan Shangpliang na ka VPP.
Kini ki heh da ban joor ki wa ka Mawsynram Block da em hok bha ko wow ku kyrdan kam ka Civil Sub-Division.
U Alvinstone da ong u i mynsien raikut yong kiwa synchaar man iwa emkaam bha deiwa kdaw wa ka South West Khasi Hills wa Eastern West Khasi Hills hanla em ki du 2 Constituency da yoh ki ya ki District.
U Rusievan da kyntu u ya ki paidbah wow pynbor ya ka sorkar wow pynman ya ka Mawsynram Civil Sub-Division katwa u Himalaya won da pyntip u wa ka sorkar dang pait bniah ki yeini ha ka Committee kawa khlieh da u Chief Secretary.
Discussion about this post