Shillong: U Montri Rangbah warim ka jylla u Dr. Mukul Sangma ynne ka sngi da ong u wa ka sorkar synrop ka National People’s Party (NPP) ym ye ko u man kawa skem wei ka Congress daw ye biang ko wow wan heibor.
“Kamwa chem O ha ki snem wa da lai da chem O wa kam kani ka sorkar ym man ko kawa skhem wei ym neh hi ko,” da ong u Dr. Mukul.
Da ong u leh wa i chim u Conrad yei kyrdan kam u Montri Rangbah toh iwa yarap da ka BJP.
Heiwa kylli wa neiyi i daw wa ong u wa ka BJP emkti ko wow chna ya ka sorkar wa khlem em ka Congress, u Dr. Mukul da jubab u deiwa ong, “Pait yi wa yaklam wa kiwa pathai khubor, pait ki yi wa jied ki yi wow man montri, u yi wow man symbood Montri Rangbah u yi wow dooh wei ini waroh phi da yoo phi ha ki khubor wa pynmih phi.”
“Ham chah pynbiej wa ki seiñ ri-loom da wanlang ki neibhah ka BJP kawa pynlang ki wei u chong kule ko ki wei wow siat won ko na ki tympha yong kiwi.” Da ong u Dr. Mukul.
Da ong u leh wa uwon uwon wa chimkti wow yah khmat da em u ka yukit wa khia bha ha tympha yong oo.
“Daw emkaam u leh yei kyrchaan ym du yong ki waroh kiwa emlang ha ki seiñ saiñhima kamjooh ha waroh ki liang,” da ong u.
Da pynkut u deiwa ong wa ka Congress ye ko heiwon heiwon i por u wan biang heibor.
Discussion about this post