15 49.0138 8.38624 1 0 4000 1 https://wyrta.com 300 0
Advertisement ad1

Ye biang ka HSPDP wa ka UDP wow krehlang hapoh ka lama RDA neibynta ka Election MDC

0 Comments

Shillong: Ka seiñ ri-loom kawa da rim bha ha kani ka jylla ka Hills State People Democratic Party (HSPDP), ym em kyntait ko wow yatylli iwi waroh ki seiñ ri-loom ha ka jylla tangwa da pynsñiaw won ko wa ymtoh wow leh jhan ya iwon iwon neibhah emkaam ya i yakrehlang wei wow sñiawthooh yumut.

Hawa yaklam wa kiwa kitkaam ka party kiaw kynthup ya u President, u K Plasting Pangiang wa u Chief Organiser, u Samlin Malngiang, da pynsñiaw ki wa ym kyntait ki ya kani ka luti yong ka yatylli tangwa emkaam wow lai chwa da ka luti wa toh.

“Ympu em yatylli i, emkaam chwa wow yakrehlang wow yasñiawthooh iwi ya iwi,” da ong u Plasting.

Nadooh nachwa neiliang kiwa kitkaam ka UDP nadooh u President, u Dr. Donkupar Roy wa u General Secretary u Dr. Jemino Mawthoh da pynsñiaw ki wa man i iwa emkaam bha ya ki seiñ ha kani ka jylla wow yawan ki ha ka jooh ka rynsan khnang wow yoh u ksoh ya ka bor synchaar.

“I Sñiawsuk i wow em i yatylli ki seiñ ri-loom tangwa wow yatylli emkaam chwa ya i yakrehlang wei i yasñiawthooh yumut,” da ong u Samlin.

Kini kiwa kitkaam ka HSPDP da ong ki wa ka Election MLA kawa dadep leh ka UDP wa ka HSPDP da yakrehlang ki hapoh ka lama Regional Democratic Alliance (RDA) wei ha kani ka election MDC ka wow wan leh, ye ki wow pteiñ ya ini i yakrehlang.

Da pyntip leh wa i yaklam neibynta i yatylli ki seiñ ri-loom da lai bha i ha kini ki sngi heiwa kiwa kitkaam ka UDP da pynsñiaw ki yeini man lei por.

 

Advertisement ad1

0 Comments

Leave a Reply