Jowai: Hadien wa pynmih ka Congress ya ka thup ki kyrtong yong ka ki wow yakhun ha kani ka Election MLA ha uni u snem, da pynbna ko ya ki 57 ngut ki kyrtong wow yakhun katwa dang sah won sa 3 tylli ki Constituency.
Hei yatoh wa ini katkam ka yutip wa yoh u Wyrta na ki bru ka seiñ ki wym kwah u mih pyrtuid, da ong ki wa ka seiñ em ko i thmu wow pynyakhun da u Phasmon Dkhar na 6-Khliehriat Legislative Assembly ha kani ka kynti.
U Phasmon katni toh u MDC ka JHADC na ka 22-Musniang-Ryngad uwa man leh kam u Executive Member ka Council.
Kam wow pynkynmoo heini ka seiñ Congress hi ha ini wa da dep da thmu ko wow pynyakhun na waroh 60 tylli ki Constituency khlem ieh chadien ya kawon kawon leh ka Constituency.
Discussion about this post