Shillong: Hadien wa ka jylla da dep ko wow rai ya kiwa mihkhmat (MLA) thymme, ynne ka sngi neiliang ki seiñ saiñ pyrthai wa kynthup ya ka Congress, BJP wa ka NPP da lai khroh ki ya ka UDP wow chna ya ka sorkar hapoh ka jylla.
Ha kani ka sngi neiliang ka UDP kawa em 6 ngut ki MLA wa kynthup ya 2 ngut na ka HSPDP da ong wa hadien wa chong pyrkhat bha da chim ya ka rai wow chna ya ka sorkar khlem ka Congress iwa mut wow kyrchaan ya ka NPP, BJP wow chna sorkar.
U Dr. Donkupar Roy da ong u wa ka party smat ko wow kreh wa ki party ki wymtoh ka Congress.
Ka NPP man ko ka party kawa wan wa ar wei kwah ko wa u khlieh ka NPP uwa man leh u MP na Tura, u Conrad K Sangma wow man u kam u Montri Rangbah ka jylla.
Neiliang kiwa kitkaam ka UDP, NPP wa ka BJP myntu heipor 5 waje daw lai ki hakhmat u Lat ka jylla wow pynyoo yei boon paaid ki wow chna ya ka sorkar synrop.
Katwa neiliang u Dr Mukul, da ong u wa i yaklam dang man i iwa laibait wei da tyrwa u leh cha ka UDP wow yah khmat ya ka sorkar ar snem chiteiñ katwa ka Congress u yahkhmat ko ar snem chiteiñ tangwa ka UDP da kyntait ko ya ini.
Discussion about this post