Shillong: U Montri Rangbah ka jylla, u Conrad Kongal Sangma da pynsñiaw u yei kyrmen wa ka sorkar India daw khot noh ko ya kiwa mihkhmat ka sorkar Meghalaya wow yaklam hajrong i dawa ya ka Inner Line Permit (ILP) ya kawa da mynjur lang da ka dorbar Meghalaya Legislative Assembly ha ka 19 tarik, u Khonchonglad (Nov) 2019. Da ong u wa ye wow man wa ha ka tayaw wow wan, ka sorkar India daw khut ko yaka sorkar jylla wow yaklam ya i dawa ILP.
Hawa klam wa ki laad pathai khubor ynne ka sngi, u Conrad da pyntip u wa da yoh wow yaklam wa u Amit Shah hajrong kani ka bynta, wei u montri ka sorkar pyrdi da pyntip u wa daw khut ya ka sorkar Meghalaya ha kini ki sngi wow wan.
Ha kawi ka liang u montri rangbah da ong u wa ka Meghalaya Residents Safety and Security Ordinance ym emkaam de neibhah wa ka sorkar da dep wow mynjur lang wow dawa bait da ka ILP ha ka jylla.
Hawa kylli, u Conrad da ong u wa lada pynkrehkaam ya ka ILP, ym em i ktah iyi iyi ya ka Sixth Scheduled ha kani ka jylla, neibhah wa yaphær kawi na kawi. Da ong chooh chooh wa ka sorkar jylla ka kwah sakhiat ko wow pynkrehkaam yaka ILP wei neibynta ini daw pynsñiawthooh leh yaka sorkar India yei emkaam wow pyllait ya ka Meghalaya nei pynkrehkaam ya ka Citizenship (Amendment) Act, 2019.
Discussion about this post