Shillong: U Montri Rangbah ka jylla, u Conrad K Sangma ynne ka sngi da ong u wa ka sorkar dang haap pait bniah ko ya ka pynyinsur ya i rta ki khynroo khyllood wa kwah u yakhun ya ki Exam Civil Service.
U Montri Rangbah da ong ya ini hawa jubab ya ka yania (Resolution) wa da wanrah da u MLA ka KHNAM na North Shillong, u Adelbert Nongrum wa ka sorkar daw pynyinsur ko ya i rta ki khynroo khyllood wa thap kreh na ka 32 snem cha ka 45 snem katkam ka Para 9 yong ka Assam & Meghalaya Service Rules.
U Conrad da ong u wa ka sorkar haap bichaar bha ko ya ini hanlada thrang ko wow elaad ya ki khynroo khyllood wow psiah ha ki kyrdan sahep man la i por lada pynyinsur hadooh 45 snem i chakri daw man i du 13 snem iwa man i por wa tbian yow man kiwa chemphang neibhah i por chongngiah ya ki sahep MCS toh 58 snem.
Heijooh i por u Conrad da pyntip u wa katkam ka Meghalaya Service Rules 1975 da phiah ya ki sahep MCS ha ki le bynta, ki Junior Grade, Senior Grade wa ki Administrative Grade.
Discussion about this post