15 49.0138 8.38624 1 0 4000 1 https://wyrta.com 300 0
Advertisement ad1

Ye ka Supreme Court u phah su ya ka bai mooyong na ki tre cha ka sorkar

0 Comments
Advertisement ad1
Advertisement ad1
Advertisement ad1

Jowai : Hadien wa da khang khaddooh ka NGT ha u Naisan 15 tarik yei challan mooyong wei da e kti leh ya u mooyong wa sah cha ka sorkar jylla yow leh ko katwa yoo biang ko. Neiliang ka seiñ Hima Nongstoin Land Owner Coal Trader and Producers’ Association da ujor ko cha ka Supreme Court hei yatoh wa ini wei da kyrpad ki yow elaad biang yow dai ya uni u mooyong wa sah kamwa 30 Lakh Metric Tonne wei kamjooh yow pyndam noh ya ka hukum ka NGT wow pyndooh ya i tih mooyong.

Ynnin ka Supreme Court ka ri India da pyllait ko wow challan ya u mooyong wa da dep tih ha ka jylla Meghalaya.

Ha ka hukum, ka Supreme Court leh da booh ko ya ki kyndon wa ya u mooyong ym ye u tih ya katni chwa wei ye du u challan donhi ya oo hadien wa dep su ya ka Royalty katkam wa booh da ka NGT; tangwa heijooh i por da ong wa katkam i chem ka NGT wa uni u mooyong toh uwa tih be-aiñ kamtæ da phah ya waroh wa challan mooyong yow pynbiang ki ya i jingkheiñ yong ki kam ya i dor wa dai wa i yoh nong yong ki.

Yeini da phah leh neidaw wa ha ka sngi wa daw bichaar biang ya kani ka mukotduma lada chem wa ya uni u mooyong wa sah katni toh u yong ka sorkar katkam wa ong ka NGT kiwa challan ya oo haap su biang ki cha ka sorkar ya ka poisa wa yoh ki na u ni u mooyong deilang wa ka sut.

Heijooh i por leh ka Supreme Court leh e bor ko ya ka NGT yow lai ko cha khmat hei yatoh wa bichaar ko ya kani ka mukotduma.

Advertisement ad1

0 Comments

Leave a Reply