Ye ka Violet Lyngdoh u yoh ya ka ticket BJP na 6-Khliehriat Constituency

Jowai: Kat dang mih ki sngi ka por dang jan ko wow jied ya ki MLA hapoh ka Legislative Assembly wei i thrang i angnood kamjooh i yaknieh wow yoh ya ki ticket na ki party dang joor i.

Ynne ka sngi da pynman ya ka yalang yong ka MDC yong ka BJP na Rymbai-Khliehriat Constituency ka wow yakhun ya ka Election MLA na ka 6-Khliehriat Constituency wow chim ya ka rai wa ka luti krehkaam yong ka neibynta kani ka Election MLA.

Ya kani ka yalang da pynman ha yung sah yong ka, iwa em ha Khliehriat East, EJH.

Ka Violet man ko ym du kam ka MDC ka BJP tangwa ksoh ko leh ya i kaam kam ka President yong ka 6-Khliehriat Mahila Mandal namo ka president yong ka tnat kynthai yong ka BJP hapoh kani ka Constituency.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ha kani ka sngi da chim ya ka rai wa lada yoh namo ymyoh ko ya ka ticket yong ka BJP daw yaleh bait ko ya kani ka Election.

Hei yaklam wa ka Violet Lyngdoh da ong ko wa i bor wow e ya ka ticket chong i ha ki heh yong ka party weiwa ka leh da paan ko ya ka ticket wow yakhun na ka BJP.

Ha kani ka yalang chirup wa ka Violet da emlang u State President ka BJP hapoh Meghalaya u Shibun Lyngdoh uwa man leh u payu ka Violet.

Katkam ka yutip wa da yoh na kiwa kitkaam ka BJP hapoh ka jylla da ong wa ka Violet ye ko u yoh ya ka ticket BJP wow yakhun ya ka Election na 6-Khliehriat, wei ka leh da pyndap ko ya ka form (Apply) hapoh yong ka bhah namo ka Quota ka party neibynta ki kynthai.

Ye u pynkynmoo heini wa u MLA warim na kani ka Constituency, u Justine Dkhar da psiah u cha ka BJP ha uni u bnai wei oo leh angnood u wow yoh ya ka ticket na kani ka party.

Ka yutip da ong leh wa ka party ha kini ki sngi daw pynbna noh ko ya ki kyrtong ki yong ka ki wow yakhun ha kani ka Election MLA ka wow man ha uni u bnai wow wan.