Jowai : U Arunkumar Kembhavi da ksoh kaam kam u kam u Deputy Commissioner ka West Jaiñtia Hills nadooh ka 1 Naiynñiaw 2015 wei da jooh man u kam u SDO (Civil) yong ka Mairang Civil Sub Division, West Khasi Hills.
Katkam ka khubor wa da yoh na ki bru wa tikna da ong wa u Arunkumar Kembhavi ye noh u wow chah kyrriah (Transfer) noh u kam u DC ka District wei ympu tip yi wow chim won yei bynta yong oo.
Da ong leh wa i chah kyrriah kaam u kam u DC toh ye u man neidaw wa pyrchang u wow pynkhooid wei wow pynpliah yei rukom krehkaam ka District Selection Committee, ha kini ki bnai wa da dep, wa neidaw kiwi kiwi ki kaam kiwa da ktah ya kattu katni ki bru.
Ka yutip da ong leh wa ini i chah kyrriah kaam u toh wa joor i dawa na ki kattu katni ki seiñbhalang la kattu katni bnai.
Hachwa u Arunkumar Kembhavi da jooh ksoh yei kaam DC da u P.S. Dkhar nadooh 11 Naiynñiaw 2012 hadooh 30 Naiynru 2015, wei chwa u ma PS Dkhar jooh kaoh da u T. Dkhar, nadooh ka 01 Naiynñiaw 2009 hadooh 11 Naiynñiaw 2012.
Lada man iwa sakhiat wa kyrriah ka sorkar ya u Arunkumar Kembhavi kam u DC ka WJH, iyi u myntoi wei iyi u dooh myntoi ka District?
Discussion about this post