Hadien wa pynbna u Chief Minister ka jylla, u Conrad Sangma wow sdang noh ka sorkar wow su ya tulop kiwa kreh ki le tylli ki Autonomous District Council, da wanrah i yei pyrkhat wa har rukom hapyrdi kiwa boon walang heiwa da em kiwa suba leh wa em iyi iyi cha lyndet ini wei em leh kiwa ong wa daw knieh lut ka sorkar yei hok ka District Council.
Kamtæ hajrong ini, da yoh u yaklam wa uwa yahkhmat ka liang pyrchah namo ka Leader of Opposition ka JHADC, u Andrew Shullai uwa da ong wa man iwa phylla wow yoo yeiwa pynbna u Conrad Sangma wow su tulop noh ya kiwa kreh ki le tylli ki Autonomous District Council ka jylla.
Da ong u wa lada ka sorkar u bahkhlieh ko deiwa bha ymye u ong iwon iwon tangwa i kylli leh mih iwa boon, nadooh kammon u krehkaam kani ka rukom su, lada u man laitlooid hi ka District Council namo u man noh ko kam ka chnat ka sorkar jylla, heiwon u pynmih ya kani ka poisa lada na ka bhah namo ka Share ka Council næ na ka sorkar hi wa kiwi kiwi.
U Andrew da ong u leh wa man i kaam wa dang tip wot u ynnin wei ympu ye ware u wow ong iwon iwon hajrong ini kamwa man kattæ deiwa pynrap wa emkaam bha u puræ bniah yeini.
Chooh chooh da ong u wa ye u man wa em iyi iyi cha lyndet neibhah da pynpyrkhat i ya oo samen wa neiyi i daw wa chim rai ka sorkar kamni wei ymye u tip neibhah wa daw man ka Election MDC cha ka GHADC heiwa da joor i pynbor neitai iwa ktah chadooh cheini.
Heijooh i por da ong u wa ymye u ong neibhah ha ki por wa dadep da boon jia heiwa ya ka bhah ka JHADC da phah cheitu cheini wei ymye u tip hadooh katni yeiwa sakhiat.
Da ong u leh emkaam u yang chibet chipor wei wow yang ya ki kyntien na ka VPP wei ympu ye hi wot u ong lada kyrchaan næ kyntait ya ini i thmu ka sorkar.
Discussion about this post