Ye u ktah yei chait i khiah lada dih ya ki Energy Drink deilang wa i kiad: Ministry of Health and Family Welfare

Jowai: Ka Indian Council of Medical Research(ICMR) da pyntip ko wa ym pu em pynman ki yaka thooh bniah yei ktah nei dih ya ki jait dih wa tip kam ki Aerated kamjooh ki Energy Drinks wa ye ki u poi chei kjut Cancer, Diabetes wa kiwi kiwa ktah yei chait i khiah.

Da ong ko wa lada dih palat pood ya kini ki jait dih kiwa em leh ya u Caffeine deilang wa kiwi ki jait dih kam i kiad ye ko wow poi cha i kjut Arrhythmias wa kiwi kiwi, tangwa lada dih won ya kini ki jait dih deiwa duna khlem khleh ya ki wa kiwi ki jait dih ym phær ko.

Da ong leh katkam wa pynmih ka Front Public Health ha u snem 2014, da ong wa iwa ktah yei chait i khiah deiwa dih ya ki Energy Drink toh neidaw wa em Caffeine ki, tangwa dang emkaam wow thooh bniah yeiwa ktah kini ki jait dih lada myllien u dih ya ki da kiwa boon snem.

Chooh chooh ka Food Safety and Standards Authority of India (FSSAI) da booh ko ki kyndon (Standards) heiyatoh wa ki ‘Carbonated Fruit Beverages/Fruit Drinks’, ‘Carbonated Water’ wa ‘Caffeinated Beverages’ hapoh ka kyndon Sections 2.3.30, 2.10.6(1) wa 2.10.6 (2) ka Food Safety and Standards (Food Product Standards and Food Additives) Regulations, 2011.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Da pyntip leh wa da i pynkrehkaam ya ka Food Safety and Standards Act, 2006 and Rules and Regulations ha waroh ki jylla ka ri da pynman wow pait na ki por cha ki por wa iwa em hapoh kini ki jait dih man ki katkam ka aiñ Food Safety and Standards Act, 2006. Lada chem ya kiwa ym em bood ya ki kyndon daw cha pynchitom ki katkam ka Chapter IX ka aiñ Food Safety and Standards Act, 2006.

Ka FSSAI da pyrchang ko wow pynchlur ya ki bru wow baam ki da ki baam wa chait wa khiah deiwa pynman ya ka ‘Aaj Se ThodaKam’  heiwa ka thong yong ka toh wow pynche paidbah wow pynduna wow baam boon ya i blooh, chini wa i khleiñ.

Da pynman leh ya ka Cycle Rally wa lai waroh kawi ka ri India kawa tip kam ka Swasth Bharat Yatra haka 16-10-18 kam chibynta kani ka jooh ka kaam yow baam da ki baam wa chait wa khiah heiwa palat 21,000 ngut da uiñ ki da ki Cycle palat 20,000 km wei da sangeh ki ha ki palat 2100 tylli ki thaw ha ki 100 sngi tam yow rah ya kani ka khubor cha cha ki 2.5 klur ngut ki bru.

Kani man ko leh kam ka jubab u Minister of State (Health and Family Welfare), u Ashwini Kumar Choubey hapoh ka Lok Sabha ynnin ka sngi.