U Prime Minister ka ri, u Narendra Modi ye u wow lai cha Mizoram wa Manipur ha ka 13 tarik uni u bnai, da ong ki heh sorkar ha nongbah Aizawl.
Ki heh sorkar ka Mizoram da ong ki wa da yoh khubor ki wa u Modi daw lai u cha Aizawl, neitæ won cha Manipur, iwa man ka sien wa nyngkong nadooh wa sdang i awri ha kani ka jylla ha u Naisan 2023.
Da ong ki leh wa dang yang ki wow yoh ka khubor wa bniah (Itinerary) heiyatoh wa i wan u Modi tangwa kattæ leh ympu ye u pyntikna yeini.
U Chief Secretary ka Mizoram, u Khilli Ram Meena da khut yalang u wa ki chnat waphær waphær chirup ki pulit wa ki chipai wow pynkhreh ya i wan u PM.
Ha ka yalang da klam bniah hajrong ki bor sonteri, i rukom pynlai kari, i pynriam pynbait wa kiwi.
Da yaklam leh hajrong u chah ya ki bru, kiwa kreh sorkar wa ki khynnah skur wa College wow chimbynta ha ka yalang wow man ha Lammaul, Aizawl.
Ha kani ka sngi daw wai ya ki luti rel wa 51.38 km kam chibynta ka Act East Policy ka sorkar pyrdi.
Kani ka luti rel u pynyabi ko ya ka Aizawl wa ka ri waroh kawi deiwa lai lyngba ka sor Silchar.
Kam wow kdaw heini ka Manipur em ko hapoh ka President’s Rule nadooh u Duyatra (January) 2026 hadien wa wanrah u Home Minister ka ri, u Amit Shah ya ka Resolution ha Lok Sabha.
I awri ha Manipur da sdang i nadooh ka 3 tarik u Naisan 2023 hapyrdi ki ar jaitbru, ki Kuki-Zo wa Meitei iwa da wanrah yei yap ki 250 ngut wa i yut chnong ki 60,000 ngut.
Discussion about this post