Ye u psiah BJP ki MLA wa chah pynhiar chuki

Shillong: U Prestone Tynsong uwa man kam u MLA na Pynursla wa u Sniawbhalang Dhar na Nartiang kiwa chah pynhiar chuki ynne ka sngi ye ki u lai psiah noh cha ka BJP nalor kiwi ki MLA kiwa embynta wa ka sorkar MUA-II wa yahkhmat da ka Congress.

Katkam ka khubor wa da yoh, da pyntip wa kini ki MLA ka Congress kiwa chah pynhiar chuki, daw lai yachem ki wa u President ka BJP u Amit Shah uwa daw wan cha Shillong ha ka 12 wa 13 tarik uni u bnai.

Uwa pathai khubor wa da yoh wow yaklam wa ki bru wa yajan wa ka BJP, kiwa da pyntip wa kini ki Montri wa da chah pynhiar ha u Dr. Mukul Sangma ynne ka sngi, da em leh sa ki kattu katni ki MLA ka Congress wei kamjooh na kiwi ki party ki wow psiah cha ka BJP chwa wow sdang ka Election ha u snem wow wan.

Rap nachwa u President ka BJP Meghalaya, u Shibun Lyngdoh da ong u wa boon ki MLA kiwa da phah khubor wa kwah ki u psiah cha ka BJP wei ym em pynbna paidbah u yei pyrtuid yong ki neidaw wa em ki ha ka liang synchaar.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Kamtæ hadien wa jia ini waroh da mih won saka khubor wa ye u pynman smat ya ka Election ha u bnai Thohlakhmi (February) 2018.