Ka Executive Committee (EC) yong ka JHADC da dap ko i sñiawsih hajrong i pyllait khubor uwa kreh ka Council, u Johnson Pohrmen heiwa da beiñ joor u ya u Montri Ryngbah ka sorkar jylla hajrong i wym yoh tulop ki chwa ka Behdeiñkhlam wot hajrong da dep kular.
Neiliang uwa e ktien ka EC yong ka JHADC, u Phasmon Dkhar da ong u wa ka EC hi daw leh ko yeiwa emkaam pyrchah ya oo (Johnson Pohrmen), neibhah wada klam kulmar u khlem tip yeiwa sakhiat, seiwi leh heipor wa pyllait u ya ka khubor ka poisa da poi ko cha ka Council ha ka 12 tarik uni u bnai kamwa T. 35 klur, tangwa neidaw wa em noh ka chuti ymye u pynpoi ya ka tulop cha kiwa kreh ka Council.
Yooluti u wa hadien chi sngi ar sngi daw ye u pynpoi ya ka tulop cha kiwa kreh.
Da ong u leh wa uni uwa kreh ka Council ymtip u hadooh katwon ka EC da chimkhia ko u lithooh poisa chirup wa u MLA ka 2-Jowai, u Wailadmiki Shylla wow yoh u su ya ka tulop cha kiwa kreh, wei ymtip u leh kammon lai luti ki file.
Chooh chooh da kubur u wa hei manbru ymye u dap u biang natlor wa wot u Director ka DMR leh em u cha baar, tangwa neiliang u Montri Ryngbah u Conrad Sangma da yaleh dohyap bait u wow pynpoi poisa cha ka Council.
Heijooh i por ka EC da e yaroh ko leh ya u Wailadmiki Shylla MLA 2-Jowai wa toh du oo donhi wa dohyap u yarap wow booddien wow yoh ka Council ya ka bhah poisa yong ka.
Puræ leh: Chah thok kiwa kreh ka JHADC ym em yoh tulop chwa ka Behdieñkhlam
